sitelen-pona

kama pona! mi jan [tonsialasasunoawenTasa].
o kama sona e mi!

mi

mi meli tonsi.

jan

mi mama e jan [esunliliinsanasaElin]. mama ante pi jan [esunliliinsanasa Elin] li jan [esunlasoinsanena Elin]. olin mi li jan [esunlawailonasin Elin].

sina pilin nasa anu seme? nimi pi olin mi en nimi pi jan lili mi en nimi pi mama ante ona li sama. ona ale li nimi [eleteijonimi Elin]. mi pilin ike tawa sona ala sina.

mama tu mi en jan sama mi li lon ma [monsiawensewialesuliutasonaesunMasasuse].

ma

mi lon ma tomo [selialenenaponaawennasinSanpan] pi ma [kalaalelasoiloKali] pi ma [maniesunwanikekulupuawenMewika]. mi tan ma [monsiawensewialesuliutasonaesunMasasuse].

mi tawa e ilo tawa pi sike tu. mi mama e jan lili mi. mi lukin e lipu. mi lukin e sitelen tawa. mi tawa lon ma mute.

pali

kulupu kili li pali e ilo toki. mi pali e ilo [sonaalepualasawasoiloSapawi] lon kulupu kili. jan li lukin e lipu kepeken ilo [sonaalepualasawasoiloSapawi].

mi toki e toki Inli. mi sona lili e toki Nijon e toki Kanse. mi kama sona e toki pona e toki Alan.

nimi

mi jan [tonsialasasunoawenTasa]. nimi lawa mi li jan li tonsi.

nimi "[tonsialasasunoawenTasa]" pi toki pona li tan nimi Treasa pi toki Alan. nimi Treasa li tan nimi treise. nimi treise li kon e "wawa" li kon e strength, power, dominance; force, emphasis lon toki Inli. [Foclóir Gaeilge–Béarla, Ó Dónaill, 1977]

toki Inli la jan toki e nimi Theresa tan nimi Treasa pi toki Alan. nimi Theresa li tan nimi Thérèse pi toki Kanse. nimi Thérèse li tan nimi Therasia pi toki Lasin. nimi Therasia li tan toki Elena pi tenpo pini. toki Elena pi tenpo pini la Therasia li ken tan nimi θέρος li ken tan nimi θερίζω li ken tan nimi Θήρα. nimi θέρος kon e tenpo seli e summer lon toki Inli. nimi θερίζω kon e alasa e harvest lon toki Inli. nimi Θήρα kon e ma Santolini pi lon telo. [Wikipedia]

ni la mi meli wawa pi tenpo seli. a a.